15 Бардыгы /

Кыргыз Республикасынын мурунку Мамлекеттик Тил боюнча Улуттук комиссиясынын төрагасы жана дагы билим бер\\ жана илим министри Каныбек Осмоналиев коррупция менен күрөшүүнүн кийинки жана чечкиндүү этабына өтүү зарылчылыгы ушул тапта бышып жетилгендигин шардана кылды. Мамлекеттин коррупцияга жана паракорлукка жарыялаган “аеосуз согушун” Кыргыз коомчулугу толук кандуу кубаттайт!

Баарыбыз тең президент Садыр Жапаровдун жана УКМК төрагасы Камчыбек Ташиевдин бул чечкиндүү кадамдарын дагы чогуу көрүп жатабыз, – деди мамлекеттик жана коомдук ишмер Каныбек Осмоналиев.

– Бирок, муну менен кармалган коррупционерлер дегеле азайчуудай түрү жок. Маселен, биринчисине кылмыш иши козголуп жатса, а дагы экинчиси кармалып жатпайбы. Демек, 33 жылдан бери биздин коомчулук коорупцияны кадимки көрүнүш сыңары эсептегенге гана көнүп калышыптыр. Эстегиле? Өткөн жетекчилеринин бирөө бүгүнкүдөй коррупция менен аеосуз күрөшөт беле? Тескерисинче, алар тууган-уруктары менен Кыргызстанды кошо талап-тоношкондугун ким танат?!?

Ошондуктан, миллиондогон мекендештерибиз жумуш издешип чет өлкөлөрдө тентип кетишкендигин кантип жашырабыз… Андыктан, Каныбек Осмоналиев ушул тапта коррупционерлерди дегеле аеонун кажети жок деп эсептейт.

Менимче, Камчыбек Ташиев абдан туура жана өз убагында коррупционерлер менен күрөшүүнүн кийинки этабы башталгандыгын жар салды. Албетте, бул ууруларды жана коррупционерлерди эч кандай аеосуз гана жазалоо кажет! – деп тызылдады мурунку Мамлекеттик Тил боюнча Улуттук комиссиянын төрагасы жана дагы билим берүү жана илим министри Каныбек Осмоналиев.

– Анткени, бул мезгилдин накта талабы! Акыйкат жана мыйзам чегиндеги жазалоону эл дагы кубаттайт! Бизде мындан башка жол калган жок! … Аттиң. Каныбек Осмоналиевге окшоп башка кызматтарды аркалашкан мекендеш агаларыбыз жана эжелерибиз дагы ушинтип позициясын ачык билдирип турушса, коррупция каршы жалпы күрөштү баарыбыз тең утат элек…

Алишер ТОКСОНБАЕВ өз кабарчы