12 Бардыгы /

Жогорку Кеңештин жалпы жыйынында депутат Бакытбек Марипов Ош облусунун Ноокат шаарын Азия-Тынч океан аймагынын алкагында ого бетер кеңейтүүнү суранды. Анткени, Эл өкүлүнүн айтымында, Ноокат шаарынын аймагы «бир светофордон экинчисине чейин эле».

Ошондуктан, калаага жанаша жайланышкан Мирмахмудов, Гүлистан, Зулпуев жана Кара-Таш айыл өкмөттөрүн сөзсүз кошуу абзел! — деп чырылдады Эл өкүлү Бакытбек Марипов.

Эл өкүлү Бакытбек Марипов ошондой эле Ноокат райондук өнүктүрүү фондунун бюджетин 20 миллион сомдон 40 миллион сомго көтөрүүнү, анан дагы шаарга жаңы мектеп курууну жана 10 эски капиталдык автобустарды өткөрүп берүүнү суранды.

Эске салчуу жагдай: президент Садыр Жапаров июль айында айыл өкмөттөрүнүн жана шаарлардын деңгээлиндеги Административдик-Аймактык бирдиктер жөнүндө мыйзамга кол койгон.

Максат айыл өкмөтүнүн жана шаарларынын деңгээлинде пилоттук режимде жүргүзүлгөн Административдик-Аймактык реформанын жыйынтыгы боюнча өлкөнүн бардык аймактарында административдик-аймактык бирдиктерди түзүүгө жана бекитүүгө багытталган.

Ал эми Жогорку Кеңеш депутаты Бакытбек Марипов буга дейре Ноокат районундагы Кыргыз-Ата Айыл өкмөтүнүн башчысы, Ноокат районунун акими кызматтарын аркалаган.

Алишер ТОКСОНБАЕВ, өз кабарчы