21 Бардыгы /

Жол кыймылынын коопсуздугун камсыздоо башкы башкармалыгы (ЖКККББ) Бишкек шаардык жүргүнчү ташуу муниципалдык ишканасынын айдоочулары менен жыйын өткөрүштү. ЖКККББнын басма сөз кызматы билдиргендей, жыйынга Жол кыймылынын коопсуздугун камсыздоо башкы башкармалыгынын техникалык көзөмөлдөө бөлүмүнүн башчысы милициянын подполковниги Мирлан Аким уулу, Бишкек шаардык милициянын кайгуул кызмат башкармалыгынын башчысынын орун басары, милициянын майору Улан Саргашкаев, техникалык көзөмөлдөө бөлүмүнүн кызматкерлери жана “Бишкек жүргүнчүлөр автотранспорт ишканасы” муниципалдык ишканасынын директору жана айдоочулар курамы катышышты.
Бул иш-чаранын максаты – шаардык жүргүнчү ташыган коомдук транспорт каражаттарынын катышуусунда жол-транспорт кырсыктарын алдын алуу, ошондой эле айдоочулар арасында жол кыймылынын эрежелерин сакталышы, шаар тургундарына коомдук транспортто коопсуз сервистик кызмат көргөзүүнү жакшыртуу, коомдук транспорттун кыймылын реалдуу убакытта көзөмөлдөө, борбор калаада автобустардын маршруттук каттамдарда эмгектенип жатышкан айдоочулар арасында жол эрежесин так өздөштүрүүсү көзөмөлгө алуу эскертилди.