39 Бардыгы /

        Баткен облусунун Сүлүктү шаарындагы шахталардын биринде уранды астында калган кен казуучу акыры куткарылды. Бул туурасында Өзгөчө кырдаалдар министрлигинен кабарлашты.

Өзгөчө кырдаалдар министрлигинен билдиришкендей, үстүбүздөгү жылдын 16-январында кен казуучу шахтада калып кеткендиги туурасында маалымат түшкөн. Бул жарянга жалпысынан 13 куткаруучу тартылып, кен казуучуну аман-эсен алып чыгышты. Ал дароо «Тез жардам» кызматына өткөрүлүп берилди. Ал-акыбалы туруктуу экендиги кабарланды.

Айтмакчы, Сүлүктү шаарында бир нече көмүр шахтасы жайланышкан. Буга дейре дагы аталган шахталарда иштеп жатып газга ууланып, өмүрү кыйылган окуялар бир нече жолу катталган.

Алишер ТОКСОНБАЕВ, өз кабарчы