45 Бардыгы /

ОшМУнун философия жана политология кафедрасынын доценти, саясий илимдердин кандидаты Аскар Абдыраимович АКАЕВ айыкпас дарттын кесепетинен каза тапты. Бул туурасында аталган университеттен редакциябызга кабарлашты.

Аскар Абдыраимович АКАЕВ 1971-жылы 28-июлда Ош облусунун Кара-Суу районундагы Баш-Булак кыштагында туулган. 1988-жылы мектепти бүтүргөндөн кийин 1989-жылы Ош мамлекеттик педагогикалык институтунун (азыркы ОшМУнун) филология факультетине тапшырып, 1994-жылы университеттин кыргыз тили жана адабият адистигин аяктаган. Эгемен Кыргызстандын алгачкы тарыхында Кыргыз тилиндеги КВН командасынын негиздөөчүсү жана катышуучусу болгон. ЖОЖду бүтүргөндөн кийин Кара-Суу районундагы №96-Примбердиев орто мектебинде эмгек жолун баштаган. Кийинчерээк ОшМУнун философия кафедрасынын аспирантурасына тапшырып, ошол эле кафедрада окутуучулукту аркалаган. Андан кийин доцентикке дейре көтөрүлгөн.

Эң кызыгы: 1995-жылы Кыргыз Республикасынын туңгуч президенти Аскар Акаев адашы Аскар Абдыраимович Акаев менен бетме-бет жолугушкан.

Алишер ТОКСОНБАЕВ, өз кабарчы