30 Бардыгы /

Жай мезгили жакындап, жайкы өрт кооптуу мезгилдин башталуусуна да аз калды. Жайкы өрт кооптуу мезгилдин келиши менен куураган чөптөрдө, таштандыларда өрттөрдүн катталуусу күч алат. Куураган чөптө же таштандыда чыккан өрт турак жайларга, короодогу курулуштарга уланып өтүп кеткен учурлар да жок эмес.  

Урматтуу айыл аймак башчылары! Сузак району боюнча өзгөчө кырдаалдар бөлүмүжайкы өрт кооптуу мезгилде район аймагында өрт кырсыктарын алдын алуу жана материалдык чыгымдарды болтурбоо, адам өмүрүнө зыян келтирбөө максатында, өзүнүздөрдүн аймагыңыздарда жайгашкан айыл чарба жерлеринде, жайыттарда өрт кырсыгын жайылып кетүүсүнө жол бербөө үчүн дан эгиндеринин жана жакынкы жайгашкан конуштарга жакын аралыкта туурасы 5 метр болгон коргоочу айдоо тилкеси салуусун  эскертет.

Ошондой эле ачык аймактардагы, коомдук имараттардын, мектептердин, бала бакчалардын, короо-сарайлардын жана таштанды таштоочу жайларда өрт кырсыктарын алдын алуу максатында аймактарды керексиз чөп-чардан тазалап, таштандыларды өрттөбөстөн атайын таштанды таштоочу жайга таштоону, күнүмдүк турмушта ачык отту пайдаланууда, тамеки тартууда өрт коопсуздук эрежелерин так сактоону эскертет.

Күндүн ысый баштаганынан улам талааларда турак үйдө жана башка жерлерде өрт чыкканы тууралуу көрүп же маалымат алсаңыздар тез арада 101,112 кызматына маалымдап коюну жарандарга түшүндүрүп коюну өтүнөбүз.

Коопсуздугуңуз өзүңүздүн колуңузда экенин эстен чыгарбаңыз.

Н.ЖОЛДОШОВ, Сузак  району боюнча ӨКБнүн ӨӨжААБнүн башчысы, майор