1,764 Бардыгы /

Сузак районунун билим берүү уюмдарын 2013-2014-окуу жылына карата жана күз-кыш мезгилине карата район боюнча 109 мектеп, 22 мектепке чейинки жана 9 мектептен тышкаркы мекемелер иштеп жатат.Бул тууралуу райондук билим берүү бөлүмүнүн башчысы Абдимажит Орозалиев билдирди.
А.Орозалиевдин маалыматы боюнча 2013-2014-окуу жылына карата билим берүү уюмдарын даярдоо боюнча белгилүү иштер аткарылган. Райондук билим берүү бөлүмүндө буйруктар, иш чаралар түзүлүп билим берүү уюмдарына жеткерилген, ар бир билим берүү уюмунда да буйруктар, иш чаралар түзүлгөн, ремонт жүргүзүү боюнча деффекттик акты лар түзүлгөн. Райондун мектептери республикалык бюджеттин эсебинен 5млн 551 миң сомго утурумдук ремонттон чыгарылган.
Андан башка мектептерди жаңы окуу жылына карата даярдоо үчүн эл аралык уюмдардан жалпысынан 66 000 000 сомдук акча каражаттары тартылган
-Юнисеф эл аралык уюмунан 32155728 сомдук инвестиция тартылып, 9 мектепте жана 2 мектепке чейинки мекемелерде капиталдык ремонттор жүргүзүлгөн, 11 туалет курулган, 1 мектептин жылытуу системасы ремонттолгон, айрым мектептердин полдору жаңыланган, 3 мектептин чатыры жаңыланган, пластикалык терезелер коюлган, суу сактоочу бочкалар орнотулуп санитардык-гигиеналык шарттар түзүлгөн, мектеп эмеректери менен камсыздалган,-дейт А.Орозалиев.

Самат Токтоев “Аймак”