1,190 Бардыгы /

ОШ. Жаңы жылдын алгачкы күнүнөн тартып Ош шаардык ички иштер башкармалыгынын жетекчилиги өз кызматкерлеринин ар бир кыймыл-аракетин онлайн режимде туруктуу көзөмөлдөй баштады.

Ошентип, 1-январдан баштап бардык кыймыл-аркеттер амтоматташтырылган «Кылмыштардын жана жоруктардын

Бирдиктүү регистри» (ЕРПП) жана «Мыйзам бузуулардын Бирдиктүү реестри» (ЕРН) программаларына кошулду.

– Мындан ары бардык кылмыштар жана мыйзам бузуулар онлайн-режиминде Ош шаардык ички иштер башкармалыгынын жетекчилиги тарабынан туруктуу көзөмөлдөнүп турат. Мисалы, 5-январда эле маалымдоочу-электрондук журналда 146 маалыматр катталды. Мунун арасында 116 факты «Кылмыштардын жана жоруктардын Бирдиктүү регистри» (ЕРПП) жана «Мыйзам бузуулардын Бирдиктүү реестри» (ЕРН) программаларында катталды. Эми мунун баарын Ош шаардык ички иштер башкармалыгынын жетекчиси Муратбек Боронов өз кеңсесинде олтуруп эле жеке көзөмөлдөгөнгө мыкты шарт жаратылды, – дейт Ош шаардык ички иштер башкармалыгынын басма сөз кызматынын жетекчиси Замирбек Сыдыков.

Ошентип, мындан ары Ош шаардык ички иштер башкармалыгынын ар бир кызматкеринин таза жана өз абийири менен иштөөсүнө гана бекем ыңгай жаратылды,

Алишер ТОКСОНБАЕВ, өз кабарчы