1,135 Бардыгы /

         БАТКЕН. Баткен шаарында «Саламат Баткен» аталышындагы заманбап Кыргызско-Турк гемодиализ борбору ишке киришти. Анын ачылыш аземине вице-премьер-министри Алтынай Өмүрбекова жана Кыргыз Өкмөтүнүн Баткен облусундагы ыйгарым укуктуу өкүлү Абиш Халмурзаев катышышты.

Баса, «Саламат Баткен» Кыргызско-Турк гемодиализ борборунда дарыланган ар бир кардарга Мамлекеттик камсыздандыруу фондунан 4700 сом бөлүнөт. А калган чыгымдарды, маселен, башка кызмат көрсөтүүлөргө коротулган 550 сомду кардарлар өздөрү гана төлөшөт. Ушул тапта Баткен шаарында мындай кызматка 36 адам муктаждыгы аныкталган.

– Эми Баткен облусунун тургундары Ош жана Бишкек шаарларына  чапкылап, таптакыр убара чегишпейт. Баткендин өзүндө эле моминтип заманбап шарттар жаратылды, – дейт вице-прмеьер-министр Алтынай Өмүрбекова.

Баса, мындай      гемодиализ борбору былтыр Кадамжай районун үч-Коргон айыл өкмөтүндө дагы ишке түшкөн эле. Баткен шаарындагы «Саламат Баткен» гемодиализ борборунда беш гемодиализ жабдыгы иштейт. Бул борбор күн сайын он сыркоону, ал эми апта сайын алтымыш сыркоону беймарал тейлегенге үлгүрөт.

Алишер ТОКСОНБАЕВ, өз кабарчы