1,103 Бардыгы /

ОШ. Ош шаардык ички иштер башкармалыгынын жетекчиси  Муратбек Бороновдун буйругуна улайык  Кыргызстандын түштүк башкалаасындагы милиция кызматкерлеринин кызматтык жана жеке менчик автоунаалары, алардын документтеринин талапка ылайыктуулугу дыкаат текшериле баштады.Эгерде милиция кызматкерлери тарабынан унааны тиешелүү документтерижок,мыйзам талаптарын бузуу менен айдап жүргөн фактылар катталса, алар токтоосуз түрдө жазага тартылат.

– Милиция кызматкерлери бийлик өкүлдөрү сыңары ар дайым мыйзамды так аткарышы керек. Булардын тышкы кебете-кепшири  тыкан, таза, Жобо талаптарына гана ылайы кболуусу кажет! Мындан тышкары ар бир милиционер унаасынын документтерин мыйзам талабына ылайык алып жүрүп, жол эрежелерин таптакыр бузбоого тийиш! Бул — элдин, Ички иштер министрлигинин жетекчилигинин талабы! Мындан ары кызматкерлердин өздүк унаага байланыштуу документтерин текшерүү ичкииликтөө кызматы менен биргеликте тынымсыз жүргүзүлүп турат. Милиция кызматкерлери башка жарандарга үлгү көрсөтүп, мыйзам талаптарын таптакыр бузбоого тийиш! – деди Ош шаардык ички иштер башкармалыгынын жетекчиси  Муратбек Боронов.

Ошентип, Ош шаарында милиция кызматкерлеринин авто унааларынын документтерин текшерүү жараяны башкармалыктын Кадрлар,Жол кыймылынын коопсуздугун камсыздоо бөлүмүнүн өкүлдөрү жана Ички иштер министрлигинин Ичкииликтөө кызматыменен биргеликте башталды. Мындан ары кызматтык унаалар ар кандай убакта күтүүсүз гана текшерилмекчи.

Алишер ТОКСОНБАЕВ, өз кабарчы