986 Бардыгы /

Өзбекстанда издөөгө алынган жана Европа сотунун коргоосундагы качкын 1-апрелде өз каалоосу менен мекенине кайтып келди. Ал Карши шаарындагы аэропортто милиция кызматкерлери тарабынан кармалды.

Навои шаарынын тургуну Аброр Хидиров диний экстремисттик уюмду түзүүгө жана мамлекеттик чек арадан мыйзамыз өтүүгө айыпталып, эл аралык издөөгө алынган.

Москванын Сахарово айлындагы Депортация борборунда жүрүп, мекенине кайтарын, өкмөттүн жаңы убадаларына жана адилеттүү сот жараянына ишеним артарын билдирген. Мурда Страсбургдагы сот аны Өзбекстанга депортациялоого тыюу салган.

– Негизсиз айыптар менен мага 2013-жылы издөө жарыялашты. Ошондон бери Өзбекстанга бара албай жүрөм. Мен эми кайтам, балдарымды тарбиялашым керек. Мен кайсы бир диний агымдын мүчөсү эмесмин. Башкалар сыяктуу эле Орусияга иштөөгө келгем. 2017-жылдан бери абакта, акыркы жети айдан бери Сахароводогу Депортация борборунда отурам, – деген Хидиров.

Аброр Хидировдун айтымында, Навои облусунун кылмыш иштерин тергөө бөлүмүнүн кызматкерлери Өзбекстанда абал өзгөргөнүн, ал өлкөсүнө келсе тоскоолдуктар жаралбай турганын билдиришкен.

2017-жылы Москвада полиция Хидировду токтотуп, аты-жөнүн тактаган соң кармалганын, себеби ал издөөдө жүргөнүн кабарлаган.

Хидировду “Жарандык жардам” уюму өз камкордугуна алган. Анын адвокаттары Адам укуктары боюнча Европа сотуна кайрылышып, Хидировду Өзбекстанга өткөрүп бербөө боюнча чечим кабыл алууну сурашкан.

www.