1,551 Бардыгы /

6-апрелде Жалал-Абад шаарынын «Эркиндик» аянтында 2010-жылдын 7-апрелинде болгон Кыргызстандагы Элдик революция күнүн белгилөө иш-чараларынын алкагында салтанаттуу жыйын өткөрүлүп, революцияда курман болгондор эскерилди. Бул тууралуу окуу жайдын багыт берүү жана коомчулук менен байланыштар кызматы билдирди.

Жалал-Абад шаарынын көптөгөн уюм-мекемелери менен биргеликте К.Ш. Токтомаматов атындагы Эл аралык университеттин (ЭАУ) жетекчилиги, профессор-окутуучулар курамы жана кызматкерлери да аталган майрамдык иш-чарага активдүү катышышты.

Муну менен бирге, ЭАУнун жамааты “Эркиндик” аянтында революцияга арналган экспозициялык көргөзмөгө революциянын тарыхы боюнча маалыматтар, тарыхый сүрөттөр даярдаган.

Салтанаттуу жыйын жогорку деңгээлде уюшулуп, революцияда курман болгондорго татыктуу урмат көрсөтүлдү.

“Аймак”