1,341 Бардыгы /

ОШ. Ош шаарында жаңыдан төрөлгөн ымыркайларга кайрадан туулгандыгы тууралуу күбөлүк берилле баштады. Бул жөнүндө Ош шаардык жарандык актыларды каттоо (ЗАГС) бөлүмүнүн башчысы Назира Кожошова билдирди.

Назира Кожошованын айтымында, 19-апрель күнү Ош шаардык жарандык актыларды каттоо бөлүмүнө 200 даана күбөлүк мукабасы келип түшкөн. Ущул тапта буга чейин ала албай жүрүшкөн наристелердин күбөлүктөрү ээлерине бериле баштады.

– Азыркы учурда мукабалар келе баштады. Бирок, күбөлүк жокмезгилде кезекке тургандардын саны көбөйүп кеткендиктен, биринчи иретте  ошолорго гана тартуулап жатабыз, –деп кошумчалады Ош шаардык жарандык актыларды каттоо (ЗАГС) бөлүмүнүн башчысы Назира Кожошова.

Буга дейре жаңыдан туулган наристелерге күбөлүк ала алышпай жүрүшкөн ата-энелер редакциябызга дагы кайрылышкан.   Ал эми тиешелүү кызмат бул көйгөйдү ырастап, күбөлүктүн мукабасы таптакыр калбай калгандыгын айтышкан эле.

Алишер ТОКСОНБАЕВ, өз кабарчы