958 Бардыгы /

Украинанын президенти Владимир Зеленский Луганск облусуна алгачкы иш сапары менен барып, Луганск жана Счастье кыштактарындагы аскерлердин позициялары менен таанышты. Бул тууралуу украин президентинин басма сөз кызматы кабарлады.

«Мамлекет башчы турмуш-тиричилик шартында жоокерлер менен сүйлөшүп, тамак-аштын сапаты, алардын техника, турак-жай жана социалдык пакет менен камсыз болушу тууралуу маалыматтарды укту», – деп жазылган билдирүүдө.

Басма сөз кызматтан белгилешкендей, Зеленский Луганскта байкоо жана блиндаж пункттарында болуп, каршылаштардын позициясынан 400 гана метр алыстыкта жүрдү.

Андан соң президент Бириктирилген күчтөрдүн операциясын жетектеген генерал-лейтенант Александр Сирскийдин жаңжал болуп жаткан жерлердеги абал тууралуу баяндамасын укту.

Кеңешмеге Башкы штабдын жетекчиси — Украинанын куралдуу күчтөрүнүн башкы колбашчысы генерал-лейтенант Руслан Хомчак дагы катышты.

www.