1,270 Бардыгы /

     СЕУЛ. Түштүк Кореядагы Кыргыз элчилиги менен Инха университетинин ортосунда түздөн-түз байланыш түзүлдү. Анткени, дал ушул максатта Кыргызстандын Кореядагы Элчиси Динара Кемелова  тил борборунун директору, Инха университетинин Эл аралык мамилелер бөлүмүнүн деканы, профессор – Ким Чжунг Хо менен жолугушту.

      Жолугушуунун жүрүшүндө Кыргыз Элчиси Динара Кемелова Кыргыз Республикасынын жарандарына Түштүк Кореянын Инха Университетине гранттык негизде окууга тапшырууга активдүү жардам бергендиги үчүн профессор Ким Чжунг Хо жана Кыргызстандык активист, Инха университинин студенти Адыл Садыровко терең ыраазычылыгын билдирди. Анткени, өткөн жылдын жазында Кыргыз Республикасынын 25 жараны Инха университенине  гранттык негизде окуу үчүн иргелип алынган. Эки тарап Кыргыз Республикасынында Кыргыз-Корей университетин түзүү мүмкүнчүлүгү жөнүндө дагы талкуулашып,  билим берүү тармагындагы кызматташтыкты мындан ары жогорулатуу үчүн конкреттүү иш-аракеттерди алып баруу, өзгөчө IT боюнча өз ара пикир алмашышты. Профессор  Ким Кыргызстандын жарандарынын Инха жогорку окуу жайына кабыл алуу мындан ары дайыма улантылаарын убадалады. Эгерде жогоруда аталган окуу жайда окууга кызыкдар болсоңуз, төмөнкү жайларга сөзсүз кайрылыңыз:

Тил курстары: mail address:ltc@inha.ac.kr

tel number: +82 32 860 8273

home page: http:үүltc.inha.ac.kr

Бакалавр – mail address : apply@inha.ac.kr

tel number: +82 32 860 8252

home page : https:үүinternationalcenter.inha.ac.kr

Магистратура, аспирантура- mail address:  jinny@inha.ac.kr

tel number: +82 32 860 8389

home page: https:үүgrad.inha.ac.kr

Алишер Токсонбаев,  өз кабарчы