817 Бардыгы /

  МОСКВА. “Чистая линия” ЖЧКсынын жетекчилигинин чакыруусуна ылайык Кыргызстандын Орусиядагы Элчиси Аликбек Жекшенкулов аталган компаниянын балмуздак чыгарган бөлүмүндө эмгектенип жаткышкан мекендештери менен жолугушту. Буга улай Элчилик тарабынан жаш балдарга тааныштыруу экскурсиясы дагы уюштурулду.

Экскурсия маалында балдарга накта балмуздак кандай жасалаары тууралуу технологиялык процесстер көрсөтүлдү жана жаңыдан жасалган балмуздактан бөбөктөр жеринде даам сызышты. Экскурсия маалында Кыргызстандын Орусиядагы Элчиси Аликбек Жекшенкулов аталган компаниянын жетекчилиги жана бул ишканада эмгектенип жатышкан кыргызстандык эмгек мигранттары менен жолугушуп, жашоо-шарттары, ишмердүлүктөрү менен жеринде таанышып, өз ара кеңири баарлашты. Аталган компанияда 200 ашуун Кыргыз жарандары эмгектенишет. Алар өз жумуштары, айлык акылары, жашоо-шарттары тууралуу жакшы пикирлерин гана ачыкташты. Өз кезегинде “Чистая линия” ЖЧКсынын жетекчилиги Кыргыз жарандарынын ишке абдан жоопкерчиликтүүлүгүн, эмгекке өтө тактыгын баса белгилешти.

Ошентип, Кыргызстандын Орусиядагы Элчиси Аликбек Жекшенкуловишкердик жана достук мамилелерди сактоодо жана андан ары бекемдөөдө чоң ишенимин билдирүү менен тыгыз кызматташууну колдоосу үчүн “Чистая линия” ЖЧКсынын Баш директору Т.Г. Зограбянга жана “Чистая линия” ЖЧКсынын Вице-президенти  А.И.Бениаминовго Кыргызстандын Орусиядагы Элчилигинин Ыраазычылык каттарын тапшырды.

 Алишер ТОКСОНБАЕВ, өз кабарчы