1,076 Бардыгы /

БИШКЕК. Кыргыз Республикасынын Президенти Сооронбай Жээнбеков Кыргызстанга расмий сапар менен келген Сауд Арабия Королдугунун Аш-Шура Мажлисинин спикери Абдалла бин Мухаммад Аль Аш-Шейх менен жолугушту. Анда эки тараптуу кызматташтыктын актуалдуу маселелери, мунун ичинде өлкөлөр ортосундагы парламенттер аралык өз ара аракеттенүүнүн мындан аркы келечеги талкууланды.

Президент Сооронбай Жээнбеков Сауд Арабиясы — Кыргыз Республикасы үчүн артыкчылыктардын бири экендигин, достук мамилелерге акыркы жарым жыл ичиндеги ар кайсы деңгээлдеги өз ара сапарлар күбө болуп саналаарын белгиледи. Президент биргелешкен өз ара аракеттенүүнү мындан ары дагы тереңдетүү боюнча аракеттер улантылаарын баса белгиледи. Ал соода-экономикалык жана маданий-гуманитардык байланыштарды, айыл чарба жана аймактар аралык чөйрөлөрдө кызматташтыкты өнүктүрүүдө чоң  мүмкүнчүлүктөр бар экендигин моюндады. Сооронбай Жээнбеков Сауд Арабиясынын Королу, эки ыйыктыктын Сактоочусу Салман бин Абдель Азиз Аль Саудуга ысык салам жолдоду.

Ал эми Сауд Арабия Королдугунун Аш-Шура Мажлисинин спикери Абдалла бин Мухаммад Аль Аш-Шейх Жогорку Кеңештин Төрагасы Дастанбек Жумабеков менен жемиштүү сүйлөшүлөр өткөндүгүн баса белгиледи. Анын жүрүшүндө парламенттер аралык өз ара аракеттенүүнү мындан ары активдештирүү чаралары эле эмес, эки тараптуу кызматташтык маселелеринин бардык спектри дагы кеңири талкууланды. Ал мындан ары дагы өз ара аракеттенүгө жана кызматташуунун эң эле келечектүү чөйрөлөрүн  аныктоого даярдыгын билдирди.

Жолугушуу соңунда Абдалла бин Мухаммад Аль Аш-Шейх Сауд Арабиясында Кыргыз Республикасынын Президентинин расмий сапарын күтүп жатышкандыгын баса белгиледи.

Алишер ТОКСОНБАЕВ, өз кабарчы