1,156 Бардыгы /

     НЬЮ-ЙОРК. Нью-Йорк шаарында Кыргыз Республикасынын вице-премьер-министри Замирбек Аскаров Туруктуу өнүгүү боюнча саясий форумдун жогорку дэңгээлдеги Сегментине катышты.

      Бул иш-чаранын алкагында Кыргыз Өкмөтүнүн төрагасынын орун басары Замирбек Аскаров жогорку деңгээлдеги сегментте дагы чыгып сүйлөдү. БУУнун Өнүктүрүү Программасынын Администратору Ахим Штайнер, БУУнун экономикалык жана социалдык маселелери боюнча Башкы катчысы Лю Чженьмин, Армениянын вице-премьер-министри Т.Авинян менен эки тараптуу жолугушууларды дагы өткөрдү. Мындан тышкары Армения менен Орусиянын туруктуу Өкүлчүлүктөрү тарабынан уюштурулган туруктуу өнүгүү максаттарын ишке ашыруунун алкагында ЕврАзия экономикалык Биримдигинин мүчө-мамлекеттердин жетишкендиктеринин сүрөт-көргөзмөсүнүн тушоо кесүүсүнө дагы катышты.

      Ошондой эле аталган иш-чарага ЕврАзия экономикалык комиссиясынын Коллегиясынын мүчөсү Татьяна Валовая, Армениянын вице-премьер-министри Тигран Авинян, Тышкы иштер министринин орун басары В.Гаджиев, Казакстандын, Тажикстандын, Түркмөнстандын жана Өзбекстандын туруктуу өкүлдөрү жана БУУнун органдарынын кызматкерлери кошо катышышты.

Алишер ТОКСОНБАЕВ, өз кабарчы