709 Бардыгы /

Украин өкмөтү Орусияга каршы жаңы санкцияларды киргизүүгө ниеттенип жатат. Министрлер кабинетинде кабыл алынган тиешелүү чечим өлкөнүн Улуттук коопсуздук жана коргонуу кеңешине жөнөтүлдү.

Маалыматка караганда, кезектеги санкциялар Краснодар — Крым газ түтүгүн курууга жана мыйзамсыз көмүрсуутек өндүрүүгө катышып жаткан бир катар юридикалык жактарга тиешелүү болот.

Жалпысынан санкциялык тизмеге Орусияда катталган 24 компания киргизилет. Алардын алтоосу аннексияланган Крым жарым аралында жайгашкан. Мындан тышкары Кытайда, Түркияда, Босния жана Герцеговинада катталган бир катар ишканаларга дагы санкция киргизүү каралган. Булардын баарынын магистралдык газ куурунун курулушуна тиешеси бар. Өкмөттүн чечиминде чектөөлөр киргизиле турган юридикалык жактардын толук тизмеси көрсөтүлгөн эмес.

​Буга чейин Украина орусиялык товарлардын импортуна киргизилген чектөөлөрдү 2020-жылдын аягына чейинузарткан.

18-апрелде орус өкмөтү Украинага карата бир нече жаңычектөөлөрдү киргизип, бул өлкөгө мунай жеткирүүгө тыюу салынган.

www.