1,306 Бардыгы /

29-июлда Алматы шаардык акимчилигинин алдында «Ата Журт ыктыярчылары» аттуу өлкөдө катталбаган бирикменин жетекчиси Серикжан Билашты колдогон акция өттү. Улут аралык кастыкты козутууга шектелип жаткан активисттин иши боюнча соттук териштирүү бүгүн Нур-Султан шаарында башталды.

«Серикжан кайсыл бир улутка же динге каршы чыккан эмес. Ошондуктан биз ага тагылган айыптарды негизсиз деп эсептейбиз. Билашты колдогон бүгүнкү акция менен сотко таасир эткибиз келет», — деди акция катышуучуларынын бири.

Акимчилик имаратынын алдына чыккан адамдар колдоруна «Серикжан Билашка эркиндик» деп казак жана англис тилдеринде жазылган кагаздарды кармап алышкан.

Бүгүн Казакстандын баш калаасы Нур-Султанда Билаштын иши боюнча болжолдуу угуулар башталды. Сот отурумуна активисттин ондогон тарапташтары келип, залга батпай калгандары сыртта күтүп турушат.

Билаш дарегине айтылган айыптоолорду четке кагып, ага каршы кылмыш иши ойдон чыгарылып, саясий негизде козголгонун билдирип келет.

Серикжан Билаш өлкөдө Кытайдын Шиңжан аймагындагы кайра тарбиялоо лагерлеринде кармалган казактардын таламын талашып, түрдүү акцияларды, басма сөз жыйындарын өткөрүп келгендиги менен белгилүү.

www.