941 Бардыгы /

Алматы облусунун Заречный шаарында жайгашкан ЛА-155/8 абагынын башчысы жана эки орун басары соттолуучулардын кыйноого алынганы тууралуу маалыматтан кийин кызматынан бошотулду.

Жазаларды аткаруу комитетинин Алматы облусу боюнча департаментинин жети кызматкери жумуштан кетти.

Бул тууралуу Казакстан ИИМинин жазаларды аткаруу комитетинин башчысынын орун басары Тенизжан Жанибеков билдирди:

– Ютубда абакта тартылган ондогон видеороликтер жайгаштырылган, арасында мекемедеги мыйзамсыз учурлар бар. Эки видеодон абактын кызматкерлери соттолуучуларга карата кыйноо колдонгонун көрүүгө болот. Бул фактылар боюнча кылмыш иши козголду.

25-июлда Ютубга жашыруун камера менен тартылган видео жүктөлгөн. Анда абактын кызматкерлери соттолуучулардын биринин колун кайрып, спортзалдын полуна жыкканын көрүүгө болот. Ошол эле маалда коңшу бөлмөдө үч кызматкер дагы бир кишини колунан асып, бирөө аны тизеси менен башка урган.

Буга чейин Казакстандын Башкы прокуратурасы акыркы он жылда өлкө түрмөлөрүндө 500дөй адам кыйноого кабылганын маалымдаган.

www.