1,034 Бардыгы /

ОШ. Ош облусунун Чоң-Алай районундагы Ленин чокусунда 45 жаштагы Орусиянын жараны изделип жаткандыгын Өзгөчө кырдаал министрлигинен кабарлашты.

Өзгөчө кырдаал министрлигинин маамыматына караганда, Орус жараны Кыргызстанга эс алганы келген. 27-июль күнү Ленин чокусунан түшүп,  5000 метр бийиктикке келгенде байланышка чыгып, ошол бойдон дайыны чыкпай калыптыр. Бул издөөгө Өзгөчө кырдаал министрлигинин алты куткаруучусу жөнөп кетип, саат 00:10до Кашка-Суу айылында түнөп калышкан. 29-июль күнү эртең менен издөө иштери дагы улантылууда.

Мындан тышкары бул турду уюштурган “Горы Азии” туристтик фирмасынын кайрылуусу менен издөө иш-чараларына Ак-Сай Трэвел туристтик компаниясынын 3600 жана 4000 метр бийиктикте жайгашкан куткаруучулары дагы катышып жатышат.

Алишер ТОКСОНБАЕВ, өз кабарчы