893 Бардыгы /

Журналисттерди коргоо комитети Иран бийлигин фотожурналист Нушин Жафарини тез арада бошотууга чакырды. Ал 3-августта аныкталбаган айыптоолор менен кармалган.

«Иран бийлигинин журналистти эч кандай себепсиз эле бир жумадан ашык убакыт кармап, үй-бүлөсү менен байланыштырбай койгону кыжырды келтирет», — деп билдирди комитеттин Жакынкы Чыгыш жана Түндүк Африка боюнча программаларынын координатору Шериф Мансур.

Нушин Жафари 3-августта Тегерандагы үйүнүн жанынан кармалган. Ошол эле күнү бийлик анын үйүндө тинтүү жүргүзүп, телефон, камера, флешкарта өңдүү бир нече буюмдарын конфискациялаган.

Азырынча журналистке кандай айыптар тагылгандыгы тууралуу эч нерсе белгисиз.

«Сөз эркиндигинин дүйнөлүк индексинде» 2019-жылы Иран 180 өлкөнүн ичинен 170-орунга жайгашкан.

www.