1,397 Бардыгы /

Нур-Султан. Кыргызстандын Казакстандагы элчиси Ж. Кулубаев Нур-Султан шаарынын акими А.Кульгинов менен жолугушту.

Жолугушуу маалында Бишкек жана Нур-Султан шаарларынын жана эки борборлорунун мэриялары ортосундагы кызматташтыкты активдештирүү маселелери, мунун ичинде 2011-жылдагы Бишкек жана Астана (Нур-Султан ш.) шаарлары ортосундагы боордош байланыштар уюштуруу тууралуу макулдашуунун алкагында, жолугушуунун жүрүшүндө талкууланды.

Кыргызстандын Казакстандагы Элчиси Ж. Кулубаев Нур-Султан шаарынын акимиаты менен тажрыйба алмашуу үчүн кыргыз тарабынын кызыкчылыгы экендигин билдирип, эксперттер жана жетекчилер деңгээлде өз ара иш сапарларды уюштурууну, ошондой эле Бишкек шаары жана Нур-Султан шаары маданий топтордун алмашууну боюнча дараметин кароону сунуш этти. Ошондой эле тараптар Нур-Султан шаарында Манастын эстелигинин орнотуу үчүн жерди бөлүп берүү жана аныктоо маселелерди, Чыңгыз Айтматовдун эстелигинин орнотуу үчүн аймагында жасалгалоо иштерин бүтүрүүнү дагы талкуулашты.

Нур-Султан шаарынын акими А.Кульгинов өз кезегинде казак тарабынын Бишкек шаарынын Мэриясы менен кызматташтыкты күчөтүү үчүн даяр экендигин билдирди. Ошондой эле жарандардын жашоо-турмушунун сапатын жакшыртуу үчүн заманбап технологияларды жана өз ара салымдарын алмашуу тартууга кызыкчылыгын дагы кошо билдирди.

Алишер ТОКСОНБАЕВ, өз кабарчы