1,071 Бардыгы /

ЖАЛАЛ-АБАД. Кыргызстандын премьер-министри Мухаммедкалый Абылгазиев Аксы районундагы Кербен аба майданынын жаңы курулушу менен жеринен таанышты.

Ал өз сөзүндө аймактык аэпорпорттордун кайрадан жанданышы өлкөбүздөгү туризмдин өнүгүшүнө жана элдердин биримдигине дагы мыкты гана шарттарды жаратаарын моюндады.
-Ушул тапта биздин жарандар унаага караганда учактарга чоң маани берип жатышат. Анткени, ыңгайлуу шарттарда каалаган жерине ыкчам жетүү кимдерди гана кызыктырбайт! – деди Кыргызстандын премьер-министри Мухаммедкалый Абылгазиев.
Ал эми «Манас» Эл аралык аэропорту» ачык ационердик коомунун башкармалыгынын төрагасы Мурат Примбердиев: – Аксы районундагы Кербен аба майданы толук бойдон реконструкцияланды. Аба жүргүнчүлөрү үчүн бардык ыңгайлуу шарттар жаратылды.  Учуп-конуу тилкеси толук кандуу ремонттолду. Мындан тышкары аба кемелеринин токтоочу жайлары дагы бүт жаңыланды.
Айтмакчы, Аксы районундагы Кербен аба майданы өткөн кылымдын 1979-жылында курулган. Ал ички каттамдарды гана кабыл алууга ылайыкташтырылган эле. Узундугу бир миң 700 метр. Кеңдиги 35 метр. Мурда бул аба майданы Жалал-Абад облусуна караштуу Аксы, Ала-Бука, Чаткал райондорунун жана Таш-Көмүр шаарынын калкын гана тейлеп келген.

Алишер Токсонбаев, өз кабарчы