1,379 Бардыгы /

2019-жылдын 28-август күнү милиция имаратынын жаңыртылышында жардам колун сунган демөөрчүлөргө ИИМ министри Кашкар Жунушалиевдин буйругу менен «Кыргыз милициясына 90 жыл» юбилейлик медалы тапшырылды. Бул тууралуу Жалал-Абад ОИИБдин басма сөз кызматы маалымдады.

Маалыматка ылайык, быйыл Таш-Көмүр ШИИБдин имараты капиталдык оңдоп түзөөдөн өткөрүлүп, бул Региондорду өнүктүрүү жана өлкөнү санариптештирүү жылындагы жетишкендик катары бааланган.

Алар:

– Рахматилла Асаналиев – Таш-Көмүр шаарынын мэри;

– Сулайман Сансызбаев – Таш-Көмүр шаардык кеңешинин төрагасы;

– Акылбек Камчыбеков – Таш-Көмүр шаарынын курулуп жаткан ГЭСтер ишканасынын башчысы;

– Кадырбек Эргешбаев – жеке ишкер;

– Абдуваит Кыргызбаев – жеке ишкер.

Медал тапшырып жатып, Жалал-Абад ОИИБдин начальниги, милициянын полковниги Кылыч Жолдошов сөз сүйлөп, ИИМ министринин атынан жергиликтүү бийлик өкүлдөрүнүн, жеке ишкерлердин иштерине ийгиликтерди каалап, алардын колдоосуна ыраазычылык билдирди. Ошондой эле Жалал-Абад областынын аймагында коомдук коопсуздукту сактоодо областтык ички иштер башкармалыгы менен тыгыз байланышта болуп, кылмыштуулуктун алдын алууда жана Таш-Көмүр ШИИБдин имаратын оңдоп түзөөдө, эмеректер менен жабдууда түздөн-түз көмөктөрүн көргөзгөндүгү үчүн ОИИБдин «Ардак грамотасы» менен төмөндөгүлөр сыйланышты:

– Бейшеналы Айдаркулов – милициянын отставкадагы капитаны;

– Болот Кулдышев – Таш-Көмүр шаарынын курулуш ишканасынын башчысы;

– Кенжебек Сыдыков – Таш-Көмүр шаарындагы «Түндүк» аймак башкармалыгынын башчысы;

– Жигиталы Суранбаев – жеке ишкер;

– Сагынбек Кудайбердиев – жеке ишкер;

– Алтынбек Шербеков – жеке ишкер.

Сыйлык тапшыруу аземинин жүрүшүндө Таш-Көмүр шаарынын мэри Рахматилла Асаналиев жана шаардык кеңештин төрагасы Сулайман Сансызбаев сөз сүйлөп, алардын жана жеке ишкерлердин эмгегин баалаган ИИМ министрине жана Жалал-Абад ОИИБдин жетекчилигине шаар тургундарынын атынан терең ыраазычылык билдиришти. Мындан ары да милиция менен тыгыз байланышта иш алып барып, жергиликтүү бийлик тарабынан чечилүүчү маселелерде көмөк көрсөтүшөөрүн убадалашты.

Эске салсак 2019-жылдын 16-июлунда Таш-Көмүр ШИИБдин капиталдык оңдоп түзөөдөн өткөрүлгөн имараты Жалал-Абад ШРИИБ башчыларына практикалык колдонмо катарында көрсөтүлгөн. Анда Таш-Көмүр ШИИБдин начальниги Азенбек Козукеев өзү жаш жетекчи экендигине карабастан, демилге көтөрүп, жергиликтүү бийлик жана жеке ишкерлер менен сүйлөшүп, демөөрчүлөрдү таап, өздүк курамдын иштөөсүнө мыкты шарт түзүлгөнү айтылган.

“Аймак”