1,200 Бардыгы /

Тажикстандын Куляб шаарында белгилүү ырчы Зафар Аюбинин уулу Вафо Аюбовго каршы кылмыш иши козголду. Бул тууралуу «Азаттыктын» тажик кызматы кабарлады.

Куляб шаардык ички иштер башкармалыгынын маалыматына караганда, 26-августта Вафо Аюбов Куляб шаарынын тургуну Нураддин Набиевге бычак сайып, андан соң окуя болгон жерден качып кеткен. Азырынча анын эмнеге мындай кадамга баргандыгы белгисиз, тергөө иштери уланууда.

Вафо Аюбовго каршы «Бейбаштык» беренеси менен кылмыш иши козголгон. Күнөөсү далилденсе ал 27 миң сомони өлчөмүндө айыппул төлөп же эки жылга чейин эркинен ажыратылышы мүмкүн.

Зафар Аюбинин туугандары бул боюнча комментарий берүүдөн баш тартышты.

Өз кезегинде жабырлануучу Нуриддин Набиевдин жакындары бул окуя «адам өмүрүнө кол салуу» беренеси менен тергелиши керектигин билдиришүүдө.

www.