823 Бардыгы /

БИШКЕК. Тергөө органдарынын жумушу кыйла көбөйүп, иликтөө иштеринин сапатынын начарлашы жана сотко чейинки өндүрүштүн материалдары боюнча тергөөнүн мөөнөттөрүнүн бузулушу боюнча Кыргыз Республикасынын Президентинин жана сот-укуктук реформанын алкагында өтүп жаткан иш-чараларды мониторинг кылуу боюнча эксперттик жумушчу топтун дарегине кайрылуулардын жана маалыматтык каттардын көбөйүүшүнө байланыштуу 2019-жылдын 1-октябрында Кыргыз Республикасынын Президентинин Аппаратынын соттук реформа жана мыйзамдуулук бөлүмүнүн башчысы Санжар Исабаевдин жетекчилиги астында аталган эксперттик жумушчу топ ИИМ, Экономикалык кылмыштар менен күпөшүү боюнча мамлекеттик кызматынын аймактык бөлүмдөрүнүн  жана Бишкек шаары боюнча прокуратура органдарынын ишмердигине мониторинг жүргүздү.

Эксперттик жумушчу топ Кылмыштар жана жоруктардын бирдиктүү реестринин ишин, жаңы кылмыш мыйзамдарынын күчкө кириши менен укук коргоо органдарынын ыкчам бөлүмдөрүнүн жумушун, бул багытта көзөмөлдөөчү органдардын ишмердигин изилдеп, анализин жүргүзүштүү Мониторингдин жүрүшүндө Ички иштер органдарынын, Экономикалык кылмыштар менен күрөшүү кызматынын жана Прокуратура органдарынын жаңы Кодекстерди жана мыйзамдарды колдонуу боюнча учурдагы иши дагы тыкыр изилденди. Иш жүзүндө бул багытта пайда болгон көйгөйлөр ачык талкууланып, практикалык кызматкерлердин пикирлери жана сунуштары дагы дыкаат угулду. Мындан тышкары,аталган органдардын тиешелүү кызматкерлерин тергөө иштерин жүрүгүзүүдө керектүү техникалык каражаттар менен камсыздоо боюнча иши кылдат талданды.

Мониторингдин жыйынтыгына ылайык эксперттик жумушчу топ аталган багытта укук коргоо органдарынын ишмердигинин анализин даярдоо, аны жакшыртуу боюнча сунуштарды жана ишин оптимизациялоо механизмдерин иштеп чыгуу жумуштарын баштады.

Алишер ТОКСОНБАЕВ, өз кабарчы