932 Бардыгы /

ЖАЛАЛ-АБАД. Кыргыз милициясынын 95 жылдык мааракесине карата милиция кызматкерлери тарабынан ар түрдүү иш-чаралар өткөрүлүп келүүдө. Таш-Көмүр шаарында кичи футбол уюштурулду. Бул тууралуу Жалал-Абад ОИИБдин Басма сөз кызматы билдирди.

Маалыматка алайык, ИИОдо иштеп жатып 2006-жылы кызмат учурунда кылмышкерлердин колунан ажал тапкан, милициянын старшинасы Мамасадык Турсунбаевдин жаркын элесине арналган кичи-футбол боюнча спорттук мелдешти Жалал-Абад ШИИБи колго алган. Достук жана Курманбек аймактык башкармалыктары менен тыгыз иш алып барган кызматкерлер өзүнчө команда түзүшүп, жалпы 4 команда биринчилик үчүн күч сынашты.

Мына ушундай эле спорттук иш-чара Таш-Көмүр ШИИБи тарабынан уюштурулуп, өздүк курамдан жана ардагерлерден болуп жалпы 5 команда оюн алып барды. Кыргыз милициясынын күнүнө арналган кичи-футболдун жеңүүчүлөрүн сыйлоо 1-ноябрда өткөрүлөт. Бул сыяктуу ден-соолукту чыңдоо жана күжүрмөн даярдыкта болуу үчүн милиция кызматкерлери арасындагы спорттук мелдештер байма-бай уюштурулууда.

“Аймак”