758 Бардыгы /

ДУШАНБЕ. Душанбе шаарында Ооганстан боюнча Улуттук координаторлордун катышуусу менен ЖККУнун тышкы иштер министрлеринин Кеңешине караштуу Ооганстан боюнча жумушчу тобунун көчө жыйыны өткөрүлдү.

Кыргыз Республикасынын ЖККУда төрагалык мөөнөтүнө, ЖККУнун тышкы иштер министрлеринин Кеңешине караштуу Ооганстан боюнча жумушчу тобунун Жетекчиси болуп Кыргыз Республикасынын Ооганстан боюнча Улуттук координатору, Кыргыз Тышкы иштер министрлигинин Төртүнчү Саясий Департаменттин Кеңешчиси Сагынбек Ибраев шайланган. Иш-чарага ЖККУнун Катчылыгынын, БУУнун Борбордук Азия үчүн первентивдүү дипломатия Аймактык борборунун жана Шанхай кызматташтык Уюмунун Аймактык терроризмге каршы түзүмүнүн өкүлдөрү катышышкан. Жыйындын алкагында Ооганстандагы аскердик-саясий абалга, ЖККУнун мүчө–мамлекеттеринин коопсуздугуна бул өлкөнүн аймагынан чыккан коркунуч келтирген маселелер талкууланган. Уюмдун алкагында ЖККУнун мүчө–мамлекеттеринин Ооган багытында эки тараптуу негизде жана профилдүү Эл аралык аянтчалардын форматында күч-аракеттерин бириктирүү жараянын улантуу зарылчылыгы баса белгиленди.

Соңунда 2019-жылдын 28-октябрында Душанбе шаарында өткөн ЖККУнун мүчө–мамлекеттеринин парламенттеринин коргоо жана коопсуздук боюнча комитеттеринин төрагаларынын Координациялык жыйынында Кыргыз Республикасынын Жогорку Кеңешинин депутаттары Т.Шайназаров, Б.Сыдыков, Б.Сыдыгалиев жана Кыргыз Республикасынын Тажикстандагы Элчилигинин кызматкерлери катышкан. Анда  Ооганстан боюнча жумушчу тобунун Жетекчиси, Кыргыз Республикасынын Ооганстан боюнча Улуттук координатору Сагынбек Ибраев  «ИГИЛ Эл аралык террористтик уюмунун жана башка эл аралык террористтик уюмдардын Ооганстандагы ишмердүүлүгү» деген темада доклад жасады.

Алишер ТОКСОНБАЕВ, өз кабарчы