882 Бардыгы /

Казакстанда өлкөдөн бөкөндүн мүйүздөрүн чыгарып кетүүгө аракет кылган Орусиянын жараны кармалды. Бул тууралуу казак Чек ара комитетинин басма сөз кызматы билдирди.

Мекеменин маалыматына караганда, кармалган адамдын автоунаасындагы спорттук сумкадан сайгактын жаңы арааланган 64 даана мүйүзү табылган. Алардын болжолдуу баасы 242 миллион теңгени (620 миң доллар) түзөт.

Казакстанда бөкөндөр мамлекеттин кайтаруусунда. Бирок браконьерлер салттуу чыгыш медицинасында колдонула турган мүйүздөрүн алуу үчүн аларга аңчылык кылып келишет.

Быйыл өлкөнүн Караганды жана Акмоло облустарында бөкөндөргө аңчылык кылып жүргөн адамдардын колунан «Охотзоопром» мамлекеттик ишканасынын эки корукчусу каза болгон.

www.