930 Бардыгы /

ПАРИЖ. Париж шаарында Кыргыз Тышкы иштер министри Чыңгыз Айдарбеков Франциянын Сенатынын «Франция-Кыргызстан» достук Тобунун төрайымы Натали Гуле менен жолугушту.

Тараптар Кыргызстан менен Франциянын ортосундагы мамилелердин өнүгүүсүн позитивдүү мүнөзүн баса белгилешти. Ошондой эле эки тараптуу парламенттер аралык кызматташуунун келечектерин дагы ачык-айкын талкуулашты. Н.Гуле Кыргызстанда жүрүп жаткан өнүгүү жараянына кызыгып, мындан ары тыгыз кызматташууну бекемдөөгө Франциянын санаалаштыгы бардыгына ишендирди. Анан дагы Кыргызстандын Франциядагы дипломатиялык Өкүлчүлүгүнүн ачылышы достук байланыштарды мындан ары бекемдөөгө мындан ары катуу түрткү берет деп катуу ишендирди.

Ошентип, парламенттер аралык кызматташууну бекемдөө максатында 2020-жылы достук Тобунун мүчөлөрүнүн Кыргызстанга сапары пландалып жаткандыгын Франциянын Сенатынын мүчөсү маалымдады.
Тараптар ошондой эле Аймактар аралык кызматташууну өнүктүрүү жана эки өлкөнүн ишкер чөйрөлөрүнүн ортосундагы бизнес контакттарды бекемдөө маселелерин дагы талкуулашты.

Алишер ТОКСОНБАЕВ, өз кабарчы