Аймак

СҮЙМӨНКУЛ ЧОКМОРОВДУН ЭЛЕСИНЕ АРНАЛГАН МЕЛДЕШ УЮШТУРУЛДУ

СҮЙМӨНКУЛ ЧОКМОРОВДУН ЭЛЕСИНЕ АРНАЛГАН МЕЛДЕШ УЮШТУРУЛДУ

 829 Бардыгы /

ЖАЛАЛ-АБАД. Кыргыздан чыккан белгилүү сүрөтчү жана киноактер Сүймөнкул Чокморовдун 80 жылдык мааракесине карата иш-чара Ала-Бука районунун 1-май айыл аймагында өткөрүлдү. Бул тууралуу Жалал-Абад ОИИБдин Басма сөз кызматы маалымдады.

Бул саамалыкты Ала-Бука РИИБи райондук билим берүү бөлүмү менен биргеликте колго алышып, концерттик программа менен коштолду. Мектепке келген конокторго чакан программадагы ыр-бийлер тартууланды. Андан соң милиция кызматкерлери тарабынан окуучулар менен жолугушуу уюштурулуп, түшүндүрүү иштери жүргүзүлдү. Жашы жете электер менен иштөө инспекциясынын кызматкерлери өспүрүмдөрдү мектеп рекетчилигинен, топтошуп мушташуудан, тамеки тартуудан жана спирт ичимдиктеринен алыс болууга чакырышты.

Мындан сырткары өспүрүмдөр арасында кылмыштуулуктун алдын алуу жана улуттар аралык мамилени чыңдоо максатында спорттун волейбол, кичи-футбол, гира көтөрүү, аркан тартыш түрлөрү боюнча мелдештер өткөрүлдү. Спорттук таймаштарга Т.Балтагулов айыл аймагына караштуу 6 орто мектептин окуучулары катышышып, жеңүүчүлөргө кубок, медал, диплом жана акчалай сыйлыктар ыйгарылды. Соңунда милиция кызматкерлери мектеп окуучуларын мекенди сүйүүгө, спорт менен дени сак жашоо образын түптөөгө чакырышты. Өз кезегинде жаштар бул иш-чараны колго алып, аларга позитивдүү маанай тартуулагандыгы үчүн Ала-Бука РИИБдин кызматкерлерине ыраазычылык билдиришти.

«Аймак»

 

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17