1,565 Бардыгы /

Ислам өнүктүрүү банкы каржылаган Жалал-Абад облусунун Базар-Коргон райондук Ооруларды алдын алуу жана мамлекеттик санитардык-эпидемиологиялык көзөмөлдөө борборуна суунун сапатын аныктоочу заманбап лабораториялык жабдуулар тапшырылды.

Аталган борбордун башкы дарыгери Кабылжан Маматкуловдун айтымында буга чейин да бул сыяктуу аппараттар иштеп келген. Бирок алардын эскилиги жетип, заманбап аппараттарга муктаж болушкан. Жаңы аппараттар “Коомчулукту өнүктүрүү жана инвестициялоо агенттиги” (АРИС) тарабынан “Айылды таза суу менен камсыз кылуу жана санитарияны жакшыртуу” долбоорунун алкагында берилди. Аны тапшыруу иш-чарасына Өкмөттүн Жалал-Абаддагы өкүлү К.Сатыбалдиев, район акими А.Бегимкулов жана башка жетекчилер катышты.

Өз учурунда облус жетекчи мындай иш аракеттер калктын саламаттыгы үчүн көрүлуп жаткан алгылыктуу камылгалардын бири экенин белгиледи.

Негизи областтын беш районундагы 24 айылга жалпы суммасы 5 млн 531 миң 351 сомдук лабораториялык аппараттар тапшырылат. Алар Базар-Коргон, Токтогул, Ала-Бука, Аксы жана Сузак райондору.

“Аймак”