“МБХ медиа” басылмасы мамлекеттик сатып алуулар порталына таянып, медалдар алтын жана баалуу таштар менен жасаларын билдирди.

“Чечен Республикасынын биринчи президенти, Ахмат-Ажы Кадыровдун элесине” аталышындагы 10 медаль 750-пробадагы алтын менен жасалат. Анын бир бетине Кадыровдун сүрөтү, экинчи бетине: “Патриоттуулук сөз менен эмес, иш менен далилденет” деген сөзү жазылат. Медалдын колодкасына 54 зымырыт, 18 бриллиант жана 36 рубин төшөлөт.

Кадыровдун 10 ордени дагы 750-пробадагы алтын менен жасалып, 58 грамм салмакта болот. Ордендин бетине Ахмат Кадыровдун сүрөтү, артына: “Өз элинин уулу” жана “Ал жеңилбеген бойдон кетти” деген жазуу түшүрүлөт. Бул да баалуу таштар менен кооздолот.

Орден менен медалдар 31-декабрга чейин даяр болушу керек.

Ахмат Кадыровдун ордени – Чеченстандагы эң жогорку сыйлык, 2004-жылдан бери ыйгарылып келет. Бул орден менен Москванын мурдагы мэри Юрий Лужков, Росгвардиянын башчысы Виктор Золотов жана Ахмат Кадыровдун уулу, Чеченстандын азыркы башчысы Рамзан Кадыров сыйланган. Ахмат Кадыровдун медалы 2016-жылдан бери тапшырылып келет.

WWW.