Аймак

ТАЖИКСТАНДЫКТАР ОРУСИЯДАН ЖӨНӨТҮЛГӨН АКЧАЛАРЫН ДАГЫ ДЕЛЕ АЛА АЛБАЙ ЖАТЫШАТ

ТАЖИКСТАНДЫКТАР ОРУСИЯДАН ЖӨНӨТҮЛГӨН АКЧАЛАРЫН ДАГЫ ДЕЛЕ АЛА АЛБАЙ ЖАТЫШАТ

 642 Бардыгы /

Тажикстандын жүздөгөн жашоочусу бир нече күндөн бери Орусиядагы жакындары жөнөткөн акчаны ала албай жатышат. Алардын көбү акча “Юнистрим” жана Contact төлөм системалары аркылуу жөнөтүлгөнүн билдиришүүдө.

Тажикстандын Улуттук банкы дал ушул эки система гана өлкөдө иштөөгө уруксат алганын маалымдаган.

Бохтар шаарынын туруну Наргис Муминова бейшембиде «Эсхата» банкынын филиалына барып, Орусиядан жөнөтүлгөн акчасын ала албай кайра кетти.

Наргистин эжеси Сафия Бустонова акчаны “Юнистрим” төлөм системасы аркылуу салганын тастыктады.

”Эсхата” банкында сиңдиме акчаны кимдир бирөө алып кеткенин айтышкан. Ким жана кантип алып кеткени белгисиз. Бул сыяктуу көйгөйгө Тажикстанга акча жөнөткөн 12 таанышым туш болду. Акча жоголуп кетти го деп коркуп жатабыз”, – деди Сафия.

Тажикстанда 3-декабрдан тарта улуттук акча которуу системасы иштей баштаган. Ага ылайык, эл аралык төлөм системалары Тажикстандын Улуттук банкында атайын эсеп ачып, операцияларын ал аркылуу ишке ашырууга милдеттендирилген.

Орусиялык адистер Тажикстандагы жаңы талаптар Орусия мыйзамдарынын бир катар жоболоруна каршы келерин, мындан улам төлөм системалары аларды аткара албай тургандыгын билдиришкен.

Бул эрежеге “Юнистрим” жана Contact төлөм системалары гана көнгөнү айтылган. Буга чейин Орусиядагы эмгек мигранттарынын 80 пайызы акчаны “Золотая корона” төлөм системасы аркылуу которуп келишкен.

Социалдык түйүндөрдүн колдонуучулары тажик бийлигинен улуттук акча которуу системасын кайра карап чыгууну талап кылышууда.

WWW,

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17