Каржы мекемеси банк тарыхында бир жыл ичинде мынчалык насыя берүү болбогонун, бул рекорддук көрсөткүч экенин билдирди. Акча мамлекеттик долбоорлорго эле эмес жеке секторлорго да бөлүнгөн.

«2019-жылдагы келишим 475 миллион евро турат, бул былтыркыга караганда 20% көп. Бул келишимдер – өкмөттүн демилгелеринин жана Өзбекстанды өткөөл мезгилде колдоого алуу ниетибиздин жыйынтыгы», – деди банк өкүлү.

Расмий маалыматка караганда, учурда банк Өзбекстанда жалпысынан 726 млн. еврого тете 23 долбоорду каржылоодо. Алардын ичинен 21% жеке секторго 79% мамлекеттин көзөмөлүндөгү инфраструктуралык долбоорго бөлүнгөн.

Өзбекстандын тышкы карызы июль айында 20,7 миллиард долларды түздү, бул жыл башына салыштырмалуу 3,4 миллиард долларга көп.

Мамлекеттин жалпы карызы ички дүң өнүмдүн 33,6% жетти.

WWW.