17-июлда райондук сот «Татыктуу эмгек» аттуу өз алдынча кесиптик кошуундун төрагасы Ерлан Балтабайды жети жылга эркинен ажыраткан. Ага «мүчөлүк акыдан топтолгон уюмдун акчасын кымырып алган» деген айып коюлган. Ал уюмдун акчасын уурдабаганын, бирок 2015-жылы кесиптик кошуундун иши токтотулгандыгына байланыштуу топтолгон каражатты сактоо боюнча чара көрүүгө аргасыз болгонун айткан.

Август айында президенттин мунапысы менен анын жазасы жеңилдетилген. Сот Ерлан Балтабайдын түрмө жазасын 1 миллион 595 миң теңге (4150 доллар) айып пул менен алмаштырган. Бирок Балтабай аны төлөөдөн баш тарткан. Мындан соң сот анын административдик жазасын 5 жыл 8 күнгө алмаштырган.

Ерлан Балтабай 2017-жылы Женевада Казакстанда өз алдынча кесиптик кошуундарга жасалган басым-кысым тууралуу баяндама жасаган.

Эл аралык эмгек уюму казак бийлигине бир нече жолу кайрылып, Ерлан Балтабайды бошотууга чакырган.