872 Бардыгы /

Ташкент мамлекеттик экономикалык университетиндеги аттестациянын жыйынтыгында окуу жайдын мурдагы ректору Баходыр Ходиевдин жакын адамдары иштен алынды. Ходиевдин өзүнө быйыл ноябрдын башында кылмыш иши козголгон.

Өлкөнүн Билим берүү министрлигиндеги өз булактардын билдиришинче, жалпысынан университеттин 14 кызматкери иштен алынды. Буга алардын «сабатсыздыгынан» тышкары «мурдагы ректор Ходиевдин жакын адамы болгондугу» себеп болгон.

Быйыл ноябрдын башында кызматтан алынган Ходиевге каршы окуу жайдагы коррупция фактысы боюнча бир нече кылмыш иши козголгон. Булактын айтымында, ал акыркы үч жылдын ичинде университетке ондогон миллион доллар чыгым келтирген.

Мындан тышкары Ходиев 2014-2015-жылдары президенттин кеңешчиси жана вице-премьер кызматтарында иштеп жүргөндө «кылмыштуу схеманын негизинде акча адалдоо» менен алектенген деп айтылууда. Учурда ал эркиндикте жүргөндүгү жана сурактарга барып жатканы кабарланууда.

www.