1,645 Бардыгы /

16-декабрь күнү Жалал-Абад шаарынын борбордук аянтында 28 метрди түзгөн өлкөдөгү бийик балатынын оту жанды. 

Жаңы жылдык аянтчанын салтанаттуу ачылышына калаа башчысы Мураталы Тагаев, шаардык кеңештин төрагасы Айбек Джолдошев, аксакалдар, шаар тургундары жана жаштар катышты. Анда шаар башчысы жылдан-жылга калаа тургундарына жана келген конокторго жаңы жылдык көтөрүңкү маанай тартуулоо максатында, жергиликтүү бийлик тарабынан өзгөчө көңүл бурулуп жатканын билдирди.

Бул жылкы балаты кыргыздардын улуттук оймо чиймелери менен кооздолгон. Майрамдык саамалык концерттик программа жана жаштардын катышуусундагы ыр-бийлер менен коштолду.

Белгилей кетсек, Жалал-Абад шаарынын жергиликтүү бийлиги 2020-жылга карата белгиленүүчү жаңы жылдык жалпы иш-чараларга 1 миллион 50 миң сом акча каражатын бөлгөн.