Мындай норма өлкөнүн «Кылмыш жана Административдик жоопкерчилик тууралуу кодекстерине өзгөртүүлөрдү киргизүү жөнүндөгү» мыйзам долбоорунда каралган.

Документте социалдык түйүндөр аркылуу демонстрацияларга чакырык жасоо — мыйзамсыз митинг өткөрүүгө тете кылмыш болору белгиленген. Мындан тышкары анда ЖМКлар менен Интернетте «жалган маалыматтарды таратуу» үчүн эркинен ажыратуу жазасын киргизүү сунушталган.

Азырынча мыйзам долбоору кайсыл баскычта экени белгисиз. Ал күчүнө кириши үчүн алгач Мыйзам чыгаруу палатасы, андан соң Сенат жактырып, президент кол коюшу керек.

Долбоордун авторлору менен жакындан тааныш булактын маалыматына караганда, бул документ жашыруун түрдө даярдалган. Ал өкмөттүн сайтындагы талкууга коюлган мыйзам долбоорлорунун арасында жок.

Жергиликтүү юристтердин айтымында, бул мыйзам коомчулукту өкмөттүн саясатына нааразылык билдирүү укугунан ажыратып, блогерлер менен журналисттерди коркутуу максатын көздөйт.