Мэрия Сино районундагы магистралдык түйүндө ири авария болгонун билдирди. Мекеменин маалыматына караганда, учурда «Душанбесууканал» ишканасынын жумушчулары суу берүүнү калыбына келтирүү иштери менен алектенип жатышат. Мындан тышкары авариянын себептерин аныктоо үчүн атайын комиссия түзүлгөн.

Баш калаанын тургуну Дилноза Азалшо дүкөндөн бөтөлкөлөп суу сатып алууга аргасыз болуп жатышканын билдирди. Анын айтымында, мындай мүмкүнчүлүгү жок үй-бүлөлөр сууну коңшу райондордон чака менен ташып ичишүүдө.

«Душанбесууканал» ишканасынын кызматкери Абдужаббор Хамидов 16-декабрь күнү эртең менен Сино районундагы магистралдык түйүндө эки авария болгонун билдирди. Анын айтымында, учурда ишкана 21 унаа менен тургандардын үйлөрүнө суу жеткирип берүүдө. Бирок жергиликтүү жашоочулар андай унааларды көрбөгөнүн айтып жатышат.