1,021 Бардыгы /

Жалал-Абад шаарынын мэриясынын буйругунун негизинде, жаңы жылга даярдык жана майрамдоо учурунда уруксаты жок пиротехникалык каражаттардын сатылышы көзөмөлгө алынды.

Борбордук базарда жүргүзүлгөн кыдырууга шаардык ички иштер бөлүмүнүн,  шаардык өрт коопсуздук кызматынын, калаа мэриясынын алдындагы  керек- жарак рыногу жана кызмат көрсөтүү департаментинин кызматкерлери катышты. Азыркы учурда соода жайларында пиротехникалык каражаттарды сатууга уруксат  берилбеген эмес. Ага карабай мыйзамсыз иш алып барып жаткан бир соода жайы аныкталып, түшүндүрүү иштери жүргүзүлдү.

Өткөрүлгөн рейдде тийиштүү тараптар тургундардын жана жаш балдардын коопсуздугун алдын алууда, жарылгыч заттардын  берилген уруксаттын негизинде  эрежелер толук сакталган учурда гана сатууга болоорун эскертишти. Мыйзамга ылайык, пиротехникалык каражаттардын кампаларда жана соода түйүндөрүндө сакталышы, сапаты жана тийиштүү уруксат кагаздары болуусу зарыл.

Коопсуздукту сактоодо көрүлүп жаткан бул аракеттер дагы да улантылат.

“Аймак”