871 Бардыгы /

Швейцария 1,3 миллион доллар конфискацияланган акчаны Түркмөнстанга кайтарат. Бул тууралуу Швейцариянын Тышкы иштер министрлигинин расмий билдирүүсүндө айтылат.

«Мыйзамсыз активдерди кайтаруу саясатына ылайык, Швейцария Түркмөнстанга 1,3 миллион АКШ долларын кайтарат. Бул каражат Бириккен Улуттар Уюмунун Өнүктүрүү программасынын алкагында саламаттык сактоо долбоорлорун ишке ашырууга жумшалат», деп айтылат билдирүүдө.

Акчага негизинен кургак учук илдетине каршы дары-дармектер сатылып алынат.

Расмий билдирүүдө бул каражат мыйзамсыз жол менен байыгандарга каршы күрөш стартегиясынын алкагында конфискацияланган.

Былтыр декабрда Германияда MAN компаниясына таандык ишкананын мурдагы директоруна каршы козголгон иш карала баштаган. Ал «Түркмөнмунай» корпорациясынын жетекчилигине миллиондогон өлчөмдө пара берген деп айыпталган. Немис прокуратурасынын маалыматына караганда, 2002-2007-жылдары MAN компаниясы түркмөн өкмөтүндөгү чиновниктерге 8,4 миллион евро пара берген.

2010-жылы башка бир немис компаниясы түркмөн аткаминерлерине пара берүүгө айыпталган. Тергөөнүн жүрүшүндө 2000-жылы Daimler автомобиль куруу концерни ошол кездеги түркмөн президенти Сапармурад Ниязовго баасы 300 миң евро турган чопкутталган Mercedes үлгүсүндөгү унаа белек кылган. Компания ондогон люкс автоунааларды түркмөн өкмөтүнө сатуу боюнча сүйлөшүүлөрдү жүргүзгөн. Mercedes автомобилдерин өнүрүүчүлөр 2010-жылы АКШда эле коррупциялык иштери үчүн 185 миллион доллар айып пул төлөшкөн.

www.