962 Бардыгы /

Хожентте орусиялык «Максим» такси кызматынын айдоочулары иш ташташты. 15-январда 50дөн ашуун таксист компаниянын Хоженттеги өкүлчүлүгүнүн алдына чогулуп, такси тарифинин төмөндөтүлүшүнө нааразы болушту.

«Хожент ичинде бардык такси кызматтарынын тарифи 9 сомонини (0,9 доллар) түзөт, «Максимдики» – 8 сомони. Компания атаандаштыкты күчөтүүгө аракет жасоодо, бирок мындан таксисттер гана зыян тартып жатышат», деди иш таштаган айдоочулардын бири.

Алар соңку мезгилде патент жана газдын баасы кымбаттаганын да кошумчалашты.

Бул арада «Максим» компаниясы техникалык маселелер болгонун, бирок тариф өзгөрбөгөнүн билдирди.

«Максим» – орусиялык такси кызматы. 2003-жылы Орусияда иш баштап, эл аралык түйүндөрүн өнүктүрүүдө. Компания Тажикстанда 2017-жылдан бери иштейт. Учурда «Максимдин» кызматынан Душанбе, Хожент, Канибадам жана Бустон шаарынын жүргүнчүлөрү пайдаланышат.

www.