993 Бардыгы /

БАТКЕН. Чек арага чектеш аймакта катталган акыркы чыр-чатактын чыгуусуна, кээ бир коомдук уюмдар жана топтор  тарабынан жүргүзүлүп жаткан чагымчыл аракеттер таасир этүүдө. Мындай жосунсуз жоруктар чек арада пайда болгон айрым турмуш-тиричиликке байланышкан майда-барат маселелерди укук коргоо органдарынын чечүүчүсүнө олуттуу тоскоолдуктарды жаратып, маселенин мамлекеттик деңгээлге дейре көтөрүлүүсүнө алып келүүдө.

Ошондуктан, атайын күч түзүмдөрү тарабынан мындай окуяларды ырбатуу менен өз кызыкчылыктарын жүзөгө ашырууну каалаган топтордун бул аракеттерин жөнгө салуу боюнча бир катар иш-аракеттер жүрүүдө. Ал эми 9-10-январда чек арада катталган чыр чаттакка байланыштуу айылдагы Шайдулла Ганы атындагы орто мектепке жайгашкан жарандар үйлөрүнө кайтышып, мектепте окуу жараяны кадимкидей башталды. Ушул тапта айылдагы бардык мамлекетик мекемелер үзгүлтүскүз ишалыпбарышууда. Аймактагы элдин коопсуздугу күч түзүмдөрүнүн катуу көзөмөлүндө.

Буга улай жергиликтүү калк арасында чагымчыл аракеттерге алдырбоо боюнча иш аракеттер катуу жүрүүүдө. Кыргыз Өкмөтүнүн Баткен облусундагы Ыйгарым укуктуу өкүлүнүн буйругуна ылайык аймактагы өзгөчө кырдаалдар режими алынды. Ушул тапта Баткен облусунун Тажикстан Республикасы менен чектеш аймактарда абал тынч.

Алишер ТОКСОНБАЕВ, өз кабарчы