1,059 Бардыгы /

СЛОВАКИЯ. Кыргыз Республикасынын Словакиядагы Элчиси Бакыт Жусупов жыл сайын өтүүчү Словакия Президенти Зузанна Чапутова менен жолугушууга катышты.

Жолугушуунун жүрүшүндө Кыргыз Элчи Бакыт Жусупов Словакиянын Президентине эки өлкөнүн ар тараптуу кызматташуусун өнүтүрүүгө жасалган кадамдар тууралуу кыскача маалымдады. Андан соң Кыргыз Элчиси Словакиянын Президенти Зузанна Чапутовага Кыргыз Республикасынын Президенти Сооронбай Жээнбековдун атайын Кайрылуусун жолдоп, өлкөбүздүн тышкы саясат ведомствосунун алдына коюлган тапшырмалар тууралуу дагы баян этти. Өзгөчө артыкчылыктуу жана жаңы багыт сыңары Экологиялык Дипломатия экендиги баса белгиленди. Словакиянын Президенти эки мамлекеттин климаттык өзгөрүүсүнүн көйгөйлөрүн, курчап турган айлана-чөйрөнү коргоодогу, мунун ичинде, мөңгүлөрдүн эрүүсүнө каршы күрөшүүдөгү маселелерди биргелешип чечүүгө абдан кызыкдар экендигин дагы жашырган жок.

Братиславага болгон иш сапарынын жүрүшүндө Кыргыз Элчиси Словакиянын инвестиция жана соода боюнча агенттигинин директору Наталия Баринкова менен эки тараптуу жолугушууну дагы өткөрдү. Наталия Баринкова өзүнчө бизнес жүргүзүү үчүн Кыргыз Элчисинин сунушун катуу кубаттап, гидроэнергетика, туризм, айыл-чарба жана Кыргызстандын экономикасынын башка тармактарында салым кызыккан ишкерлер тобун түзүүдө зарыл болгон жардамды көрсөтүүнү дагы катуу убадалады.

Соңунда Кыргыз Элчиси Бакыт Жусупов дипломатиялык мамилелердин түзүлгөн күндөн тартып Кыргыз Республикасы менен Словакия ортосундагы эки тараптуу кызматташуусу жөнүндө,  «Интергельпо» жана 2020-жылына Словакиядагы Кыргыз Республикасынын Элчилигинин негизги милдеттери жана пландары боюнча RTV кабарчысы менен маектешти.

Алишер ТОКСОНБАЕВ, өз кабарчы