3,573 Бардыгы /

Башыңа үйөсүңбү мунун баарын, деп айтмак да кыргыздар, эгерде, ушунча китеп жөн эле ар кайсы жерде турган болсо. Дал ушул сөзгө ушул китептерди көргөндөн кийин өзгөчө маани берип, ойлоно кетсем болобу, негедир. Мындан келди, уникалдуу жазуучу Кубатбек Жусубалиев атабыздын мотиви менен “Кыргыздар ушинтип айтат эй, Кыргыздар жөн айтпайт, эй”, деп коелу да, сөздү андан ары улайлы.

Бул үйүлгөн же ирети менен тизилген 8000 китеп – Матей Крен деген словак художнигинин авторлугундагы “Idiom” китептер чексиз мунарасы Прага шаардык китепканасынан орун алган.

Бул тарапка барып калсаңыз, анан ошол китеп мунаранын терезеси аркылуу ичине баш бага карасаңыз түбү да, төбөсү да учу-кыйырсыздай көрүнөт, тимм эле. Табышмактын баары ушул жерде – бул китеп мунарасынын ошол түбү-төбө жактарына чеберчилик менен күзгү орнотулган экен.

Эми карабайсызбы бул ойлоп табуучулукту, ошол күзгү аркылуу бул сыйкырдуу көрүнүш билим-илимдин чеги жок экенин туюндурса, “ай, китеп окугула, китеп окусаңар адам болсуңар, ай” деп канча айткан менен болобу, андан көрө, бир айласын таап, азыркы интернет желесине чыркырап жем болуп кете электе алыс-жакындан келгендин баарына китеп окууга чакырык жасаган чеберчилик аракети экени айтылат.

Эмии, бизде деле китепти кыйын, көп окугандар чекеден чыгат деңизчи, ошентсе да, чехтер кыйын экен эй, китепти бизге окшоп жөн эле окуй бербей, чырайлуу үйүп алып, тизип алып окушат экен, эй!

Зирек АСАНОВА

Прага шаары,

2019-жылдын 10-октябры