— 2025-жылга карата жаратылыш газын экспорттоону токтотуу жана аны өлкө ичинде кайра иштетүүнү кеңейтүү боюнча чаралар кабыл алынат. Мындан тышкары газ өндүрүү көлөмүн көбөйтүү аракеттери көрүлөт, — деди өкмөт башчы.

Анын айтымында, 2020-жылдын аягына чейин өлкөдөгү бардык энергоресурс колдонуучуларына электрондук газ жана электр эсептегичтер орнотулат. Бул энергоресурстарды колдонуу көлөмүн азайтып, жалган төлөмдөрдү эсептөө көйгөйүн жоет.

Жергиликтүү басылмалардын маалыматына караганда, 2018-жылы өлкө 13 миллиард куб метр газ экспорттосо, 2019-жылы 15 миллиард куб метрден ашык газ экспорттоо боюнча келишимдер түзүлгөн.

Ошол эле маалда газга бай бул өлкөнүн жашоочуларынын көбү көгүлтүр отундун тартыштыгына даттанып келишет.