1,037 Бардыгы /

Ташкентте сасык тумоо жана курч мүнөздөгү респиратордук жугуштуу оорулар күч алгандыгына байланыштуу ооруканага кайрылгандар көбөйүп, палаталарда орун жетишпей жатат. Буга байланыштуу айрым бейтаптар коридорлорго жатууга аргасыз болууда.

Ташкент шаарынын Юнусабад райондук №1 балдар ооруканасында баласын дарылатып жаткан жергиликтүү тургун бир дагы бош орун калбай калганын билдирди:

– Балдар ооруканасынын коридору өтө суук, орун жетишпей, аялдар наристелери менен балдардын керебеттеринде жатышат. Буюмдары жерде. Натыйжада балдар айыкпай эле, абалдары кайра оорлошууда, – деди ал.

Ташкент шаардык саламаттык сактоо башкармалыгы бул маалыматты тастыктады. Калаада жалпысынан 1267 орунду беш балдар ооруканасы болсо, алардын бири ремонтко жабылган.

Дарыгерлер 2,5 миллион киши жашаган шаар үчүн беш оорукана жетишсиз экенин, жаңы медициналык имараттарды салуу сунуштары көп жылдан бери көңүл сыртында калып жатканын белгилешүүдө.

www.